Home » Most Popular Articles » ကရင်ပြည်နယ် ဇွဲကပင် ဖားစည်သံ ဒုံးယိမ်းအကနဲ့ ညနေခင်း . . .

ကရင်ပြည်နယ် ဇွဲကပင် ဖားစည်သံ ဒုံးယိမ်းအကနဲ့ ညနေခင်း . . .


စစ်တိုင်းရင်းသားလူမျိုးများ၏ ရိုးရာဓလေ့ထုံးတမ်းစဉ်လာများ၊
အခြေချနေထိုင်မှုများ၊ သဘာဝအရဖြစ်တည် နေသော ဒေသန္တရ
အလှအပများနှင့် အခြားစိတ်ဝင်စားဖွယ်ရာ အကြောင်းအရာများ ကို
ဖြူစင်သော စာပေ စေတနာဖြင့် စာဖတ်ပရိသတ်များ 
ဗဟုသုတရစေနိုင်ရန်အတွက် ဖလားဝါးနယူးစ်ဂျာနယ် Myanmar
Discovery  ကဏ္ဍလေး၌ ခရီးသွားဆောင်းပါးများရေးသားခဲ့သည်မှာ 
ရှစ်ပုဒ်ပင်မြောက်ခဲ့လေပြီ။၂၀၁၀ပြည့်နှစ် ဇန်န၀ါရီ ၅ရက်ထုတ်
စာစောင်၌  အင်းရိုးရာ၊ အင်းဓလေ့နှင့် အင်းသူအင်းသား အင်းအလှ များ(၂) ဆောင်းပါးရေးသားအပြီးမှာ  လုပ်ငန်းတာဝန်များဖြင့်
ခရီးလမ်းပန်းများနေခဲ့ရ၍ စာရေးသားခြင်း အဆက် ပြတ်သွားခဲ့ရသည်။ စာရေးဆက်ပြတ်သွားပေမယ့်လည်း  Myanmar Discovery ကဏ္ဍလေးကတော့ ကျွန်တော်၏ စိတ်အစဉ်တွင် အမြဲစွဲထင်ကာ နေရာယူနေလျက်ပင်ဖြစ်သည်။ စိတ်ထဲတွင် အမြဲစွဲထင်
အမှတ်ရနေမှု ကြောင့်လည်း ယခုလို ဆက်လက်ရေးသားဖြစ်နေရ ခြင်းဖြစ်သည်။ အခုလိုရေးသားဖြစ်လာရခြင်းအကြောင်း အပြင်
အခြားအကြောင်းတစ်ချက်ကလည်း ရှိနေ သည်။ ထိုအကြောင်းကတော့ ငယ်စဉ်ကတည်းက အစ်ကိုတစ်ယောက်ကဲ့သို့
ရင်းနှီးကျွမ်းဝင်ခဲ့သော ဦး ကိုကို(ကိုကို-စက်မှုတက္ကသိုလ်)က ကျွန်တော်၏ ခရီး သွားဆောင်းပါးများကို စေတနာသန့်သန့်ဖြင့် နေရာ
ပေးအားပေးကာ အဆက်မပြတ်ရေးသားနိုင်ရန် တိုက် တွန်းအကြံပေးတွန်းအားပေးနေခြင်းကြောင့် ကျွန် တော့်မှာ
ပိုမိုအားတက်စိတ်ဝင်စားလာကာ ယခုကဲ့သို့ ကြိုးစားရေးသားဖြစ်ခဲ့ရခြင်းဖြစ်သည်။၂၀၁၀ပြည့်နှစ် ဇန်န၀ါရီလ နေ့တစ်နေ့
ဇွဲကပင်မြေကိုရောက်တော့ ဟေမန်ကာလ ဆောင်းရာသီဖြစ်နေ၍ နံနက်စောစောအအေးဓာတ် က ပိုနေပြီး နေ့ပိုင်းရောက်ပြန်တော့
အပူဓာတ်က သိသိသာသာ လွန်ကဲနေသည်ကို ကျွန်တော်တို့ ခံစား နေရသည်။ ယနေ့ကမ္ဘာကြီး၏ ရာသီဥတုဖြစ်စဉ်ပြောင်း
လဲလာနေမှုနှင့်အတူ ကျွန်တော်တို့နိုင်ငံ၏ ရာသီဥတု ဖြစ်စဉ်များသည်လည်း နှစ်စဉ်သိသိသာသာပြောင်းလဲ လာနေသည်ကို
ယနေ့ကျွန်တော်တို့ မျက်ဝါးထင်ထင် တွေ့ကြုံခံစားနေရပြီဖြစ်သည်။
ကရင်ပြည်နယ်သို့ ရောက်တိုင်း ကရင်ပြည် နယ်၏ အထင်ကရ ဇွဲကပင်တောင်ကြီး၊ ဒေါနတောင် တန်းကြီး၊ ကော့ဂွန်းဂူ၊
သာမညတောင်နှင့် ကရင်တိုင်း ရင်းသားလူမျိုးများကိုတွေ့မြင်နေရ၍ ကရင်တိုင်းရင်း သားများအကြောင်းကို
အစဉ်အမြဲစိတ်ဝင်စားမိကာ ကရင်ပြည်နယ်နှင့် ကရင်တိုင်းရင်းသားများအကြောင်း ကို စာရေးချင်စိတ်က တဖွားဖွား
ပေါ်လာတော့သည်။  ဒါကြောင့်လည်း အခုတစ်ခေါက်တော့ ကရင်ပြည်နယ် အကြောင်းနှင့် ကရင်တိုင်းရင်းသားတို့၏အကြောင်းကို
တစေ့တစောင်းလေ့လာ၍ ရေးသားမည်ဟု ဆုံးဖြတ် မိသည်။ ထိုဆုံးဖြတ်ချက်နှင့်အတူ အချိန်တိုအတွင်း ကျွန်တော်စူးစမ်း
လေ့လာမေးမြန်းမိသလောက်အကြောင်း အရာအချို့ကို တင်ပြရသော်...
ကရင်ပြည်နယ်သည် တောင်တန်းတောင် ကုန်းများနှင့် လျှိုမြောင်ချိုင့်ဝှမ်းများ အလွန်ပေါများပြီး မြေပြန့်လွင်ပြင်အလွန်နည်းပါးသော ထူးခြားသည့် ပြည်နယ်တစ်ခုဖြစ်နေသည်ကို ဦးစွာပထမလေ့လာ မှတ်သားမိသည်။ ကရင်ပြည်နယ်၌ အထင်ကရရှိလှ သော
၂၉၇၃ပေမြင့်သည့် ဇွဲကပင်တောင်နှင့် တောင် မှမြောက်သို့ တန်းလျက်ရှိနေသည့် ၆၈၂၂ပေမြင့်မား သည့် ဒေါနတောင်တန်းကြီး
သည်  ကရင်ပြည်နယ်၏ သာယာလှပသော သဘာဝတောတောင်အလှကို ဖော် ကျူးနေသည်။ ထို့အပြင် ကရင်ပြည်နယ်၏
အသည်းနှလုံး ဖြစ်သည့် သံလွင်မြစ်ထဲသို့လည်း ထိုင်းနိုင်ငံ မဲဆောက် မြို့နှင့် မြန်မာနိုင်ငံ ကရင်ပြည်နယ် မြ၀တီမြို့တို့အကြား ကို
နယ်နိမိတ်တစ်ခုအဖြစ် သတ်မှတ်ကာ စီးဆင်းလျက် ရှိသည့် သောင်ရင်းမြစ် သို့မဟုတ် သူးမွဲ သို့မဟုတ် နမ့်မယ်မွိုင်မြစ်ကြီးသည်
လည်း တသွင်သွင်စီးဆင်းနေ သည်မှာ သာယာလှပလွန်းလှသည်။
ကရင်ပြည်နယ်အတွင်း နေထိုင်ကြသော ကရင်များကို အရှေ့ပိုးဟုလည်းကောင်း၊ မြစ်ဝကျွန်း ပေါ်တွင်နေထိုင်ကြသော ကရင်များကို
အနောက်ပိုး ဟုလည်းကောင်း ခေါ်တွင်ကြသည်။ စကောကရင် များသည် မြန်မာနိုင်ငံ၏ နေရာဒေသအနှံ့အပြား၌ ပျံ့နှံ့နေထိုင်
ကြသည် ဟု မှတ်တမ်းများအရ သိရသည်။
ကရင်တိုင်းရင်းသားတို့သည် မိမိကိုယ်ကိုယ် မိမိ ကရင်ဟု ခေါ်ဝေါ်ခြင်းမရှိခဲ့ပါ။ ကရင်ဟူသော အမည်မှာ အများက
ခြုံငုံခေါ်ဝေါ်သော အမည်သာ ဖြစ်သည်။ ကရင်တိုင်းရင်းသားများက မိမိကိုယ်ကိုယ် ခေါ်ဝေါ်သော အမည်အချို့ကို တင်ပြရလျှင်...
စကော(စဝှော်) - ပွာကညော
ပိုး - ဖလုံ
ကယား(ကရင်နီ) - ကယား
ဘွဲ - ဘယာ(ဗျာ)
ပဒေါင် - ကယန်းဟု ကိုယ့်ကိုယ်ကိုယ် ခေါ်ဝေါ်သုံးနှုန်းကြသည်ကို လေ့လာသိရှိရပြန်သည်။
ကရင်တိုင်းရင်းသားတို့သည် ဘိုးစဉ်ဘောင် ဆက်ပြောစမှတ်ပြုခဲ့သော ဒဏ္ဍာရီနှင့်ပုံပြင်များစွာရှိခဲ့ သည်ကိုလည်း တွေ့ရှိရပြန်သည်။ ထိုပုံပြင်များထဲမှ ကရင်နှင့် ဗမာတူညီသည့် စကောကရင်ဘာသာအသံ ထွက်ပုံပြင်အချို့ကို ကြည့်ပါကလည်း-
(၁) ဘောသိုဒေါ့သာမီး - ကျားဆရာကြောင်
(၂) ဖီးမူမာဆူးဘူး လယ်လားပို - ရွှေလမှာ ယုန်ဝပ် လို့ ဆန်ဖွပ်သည့် အဘိုးအို
(၃) ထယ်ကွဲအဂေ - ရှင်မွေးလွန်းနှင့် မင်းနန္ဒာ
(၄) ဖိုးဟဲဒေါ့အမိုးယား - မယ်ထွေးလေး
ဆိုသည့် ပုံပြင်များကို ကြည့်ပါက ကရင်တိုင်းရင်းသား များနှင့် ဗမာလူမျိုးတို့၏ ယဉ်ကျေးမှုစာပေများသည် အလွန်နီးစပ်လှသည်ဟု မှတ်ယူနိုင်ပေသည်။
ကရင်တိုင်းရင်းသား စာရေးဆရာတစ်ဦး ဖြစ်သူ စောအောင်သိန်း(ယဉ်ကျေးမှု)က ကရင်နှစ် သစ်ကူးနေ့နှင့် ကရင်ရိုးရာ ချည်ဖြူဖွဲ့မင်္ဂလာအကြောင်း ကို ပြောပြရာတွင် "ကရင်နှစ်သစ်ကူးပွဲတော်ကို ရှေး ယခင်ကတည်းက နှစ်စဉ်ပြာသိုလဆန်း ၁ ရက်မှာ ကျင်းပကြပါတယ်။ ကရင်တိုင်းရင်းသားတွေဟာ လယ် ယာလုပ်ငန်းတွေပြီးသွားပြီးနောက် စပါးပေါ်ချိန်မှာ ကောက်ဦးသီးနှံတွေကို စားသောက်ကြပြီး ကောက် သစ်စားပွဲတွေကို မြို့အလိုက်၊ နယ်အလိုက်၊ ရွာအလိုက် ကျင်းပကြရင်းက နှစ်သစ်ကူးပွဲတော်ကို ကျင်းပလာကြ တာဖြစ်တယ်။ စပါးစောင့်နတ်သမီးကို ပူဇော်ခြင်းလို့ လည်းခေါ်တယ်။ အဲဒီပွဲတော်မှာ ရိုးရာလက်ဝှေ့ပွဲတော် နဲ့ အခြားပျော်ပွဲရွှင်ပွဲတွေကိုလည်း ထည့်သွင်းကျင်းပ လေ့ရှိကြတယ်။ တောင်ပေါ်ဒေသမှာနေတဲ့ ကရင် တွေက တောင်ယာလုပ်ငန်း
ပြီးရင်  ရိုးရာအရိုးကောက် ပွဲ ကျင်းပလေ့ရှိပါတယ်။ အဲဒါပြီးရင် ရိုးရာနှစ်သစ်ကူး ပွဲတော်ကို ဆက်လုပ်ကြတယ်" ဟု သူက
ရှင်းပြသည်။
ဘိုးဘွားဆွေစဉ်မျိုးဆက် အဆက်ဆက်မှ ယုံကြည်မြတ်နိုးတန်ဖိုးထားကာ ထိန်းသိမ်းလာလျက် ရှိသော ရိုးရာဓလေ့များအနက်မှ
ဝါခေါင်လအတွင်း၌ ကျင်းပကြသည့် ချည်ဖြူဖွဲ့မင်္ဂလာအကြောင်းကို ၎င်းင်းက ဆက်လက်ပြောပြရာတွင် "ကရင်တိုင်းရင်းသားတွေ ဟာ ရှေးအခါက မြန်မာနိုင်ငံတွင်းကို အုပ်စုသုံးစုခွဲပြီး ဆင်းသက်လာရာက ကွဲကွာသွားကြပြီး နောင်ပြန်ဆုံ တဲ့အခါ တစ်စုနှင့်တစ်စု
ပြန်ဆုံတွေ့ရင် မှတ်မိနေကြ ဖို့အတွက် လက်မှာ ချည်ဖြူများ ချည်နှောင်ကြရခြင်း ဖြစ်တယ်။ အဲဒီလိုလုပ်ဆောင်ခြင်းဖြင့် မိစ္ဆာကောင် များ၊ မကောင်းဆိုးဝါးများ၊ ရောဂါဘယများ မ၀င်စေ ရန်နဲ့ ကိုယ့်ရဲ့လိပ်ပြာမလွင့်စေရန်အတွက်လည်း ပြုလုပ် ကြရခြင်းဖြစ်တယ်။ အဲဒါကို မိသားစုအလိုက်၊ မြို့အလိုက်၊ ရွာအလိုက် ပြုလုပ်ကြတယ်"ဟု ထပ်မံပြောပြသည်ကို နားထောင်ရသည်မှာ စိတ်ဝင်စားဖွယ်
ကောင်းလှသည်။
ကရင်တိုင်းရင်းသားတို့၏ ရိုးရာအကနှင့် ဂီတအကြောင်းကိုလည်း လေ့လာကြည့်ရာ ကရင်ဒုံး ယိမ်းအကသည် စိတ်ဓာတ်ကို
လွန်စွာရွှင်လန်းတက် <ကစေသော အကတစ်မျိုးဖြစ်သည်။ ကြည့်ရသူအဖို့ လည်း စိတ်ဓာတ်ကို တက်ကြွစေကာ ကကြိုးကကွက်
များကလည်း စည်းချက်နှင့်အညီ မြိုင်ဆိုင်မြန်ဆန်လှ သောကြောင့် အလွန်ကြည့်၍ကောင်းလှသည့် အက ဖြစ်သည်။
ဒုံးယိမ်းအကနှင့်တွဲဖက်၍ အသုံးပြုသော တူရိယာပစ္စည်းများကိုလည်း သဘာဝမှရရှိသော သစ်၊ ၀ါးနှင့် တိရစ္ဆာန်တို့မှ ရရှိသော သားရေ၊ ဦးချိုတို့ဖြင့် အများဆုံး ပြုလုပ်သုံးစွဲကြသည်ကို လေ့လာသိရှိရသည်။
ကရင်ရိုးရာ တူရိယာများထဲမှ ကရင်တိုင်း ရင်းသားများ အထွတ်အမြတ်ထားရာ ရှေးဟောင်းရိုးရာ အမွေအနှစ်ပစ္စည်းတစ်ခုဖြစ်သည့် ဖားစည်အကြောင်း ကိုလည်း လေ့လာကြည့်ရာ ဖားစည်ကို စကောကရင် တို့က 'ကလို'ဟုလည်းကောင်း၊ ပိုးကရင်များက 'ကလိုး' ဟုလည်းကောင်း၊ ဘွဲနှင့်ကယားတို့က 'ကလူး'ဟုလည်း ကောင်း အမျိုးမျိုးခေါ်ဝေါ်ကြသည်။ အနောက်တိုင်း သုတေသီတို့က ကြေးစည် (Bronze Drum) ဟု ခေါ် ကြသည်။ ကရင်တို့သည် ဖားစည်ကို ရှေးနှစ်ပေါင်း ရာထောင်ချီသော ကာလကတည်းက သုံးစွဲခဲ့ကြသည် ဟု အဆိုရှိကြသည်။
ဖားစည်နှင့်ပတ်သက်၍ ဆရာစောအောင် သိန်းက ထပ်မံပြောပြရာတွင် "ဖားစည်မှာ အမျိုးအစား သုံးမျိုးရှိတယ်။ ကြန်စုံဖားစည်(မင်္ဂလာဖားစည်)၊ စစ်ချီ ဖားစည်နဲ့ အမင်္ဂလာဖားစည်ဆိုပြီး ရှိကြတယ်။ မင်္ဂလာ ဖားစည်ကို မင်္ဂလာရှိတဲ့နေ့ရက် ပွဲတော်တွေမှာ အသုံး ပြုကြတယ်။ စစ်ချီဖားစည်ကိုတော့ ရှေးအခါက ကရင် တိုင်းရင်းသားများ စစ်ချီတက်တဲ့အခါမှာ အသုံးပြုကြ တယ်။
အမင်္ဂလာဖားစည်ကို နာရေးကိစ္စတွေမှာ အသုံး ပြုကြတယ်။ အဲဒီအမင်္ဂလာဖားစည်ရဲ့ အလယ်မျက်နှာ ၀ိုင်းမှာ
အမင်္ဂလာဖားစည်မှန်းသိအောင် အမှတ်အသား ပေးထားတယ်။ ဖားစည်ကို ကြေးနီနဲ့ သတ္တုတစ်မျိုးနဲ့ ရောစပ်ထားတဲ့ သတ္တုမျိုးနဲ့ သွန်းလုပ်ရတယ်။ အဲဒီ သတ္တုနဲ့အတူ ရွှေ၊ ဘော်၊ သွပ်၊ ခဲတို့နဲ့လည်း ရောစပ် ရတယ်။ ရွှေနဲ့ဘော်ကတော့ စတိလောက်ပဲ ရောစပ်
ကြတယ်။ ဖားစည်ဟာ တစ်ဖက်ပိတ်စည်မျိုးဖြစ်တယ်။ ဖားစည်သွန်းလုပ်ပြီးရင် ဖားစည်ရဲ့ မျက်နှာပြင်အနား ပတ်လည်မှာ
ဖားရုပ်လုံးတွေကို ပုံသဏ္ဌာန်အမျိုးမျိုးနဲ့ တန်ဆာဆင်ထားတယ်။ ဥပမာ-ဖားရုပ်တွေဟာ တစ် ကောင်နဲ့တစ်ကောင်
ရှေ့နောက်လိုက်နေဟန်၊ တစ် ကောင်နဲ့တစ်ကောင် မျက်နှာချင်းဆိုင်ထိုင်နေဟန်တို့ ကို တွေ့ရတယ်။ အဲဒီဖားစည်ကို သာရေး၊ နာရေး တွေမှာလည်း သူ့ဖားစည်နဲ့သူ အသုံးပြုကြတယ်။ အခု အချိန်မှာ ဖားစည်ဟာ အနည်းငယ်သာ ကျန်ရှိတော့ တဲ့အတွက် ထိန်းသိမ်းသွားဖို့လိုအပ်ပြီး ယနေ့လူငယ် များကလည်း ဖားစည်ရဲ့အကြောင်းအရာနဲ့ အသုံးပြုပုံ တွေကို သိထားသင့်တယ်။ ဒါကြောင့် ကရင်တိုင်း ရင်းသားတွေရဲ့ ရိုးရာယဉ်ကျေးမှုအမွေအနှစ်ဖြစ်တဲ့ ဖားစည်ကို မပျောက်ပျက်သွားအောင် ထိန်းသိမ်းဖို့ တာဝန်က အားလုံးမှာရှိကြပါတယ်"လို့ ဖားစည်အကြောင်း နှင့် ဖားစည်၏တန်ဖိုး၊ ဖားစည်၏နောင်ရေးကို ပြောပြ သည်မှာ မှတ်သားနာယူဖွယ်ရာတည်း...။
ဖားစည်သံတဝေေ၀ ဇွဲကပင်မြေသို့ ဟေ မန်ကာလဆောင်းရာသီမှာ ရောက်တုန်းရောက်ခိုက် ကရင်တိုင်းရင်းသားတို့၏ ရိုးရာဓလေ့ အလှအပများကို စိတ်ဝင်စားစွာ လေ့လာရင်း တစ်ညနေခင်းဝယ် ဇွဲကပင် တောင်ကြီး နောက်ခံပြုကာ အကတိုက်နေကြသော
နေရာမှ ထွက်ပေါ်လာသည့် မြူးမြူးကြွကြွဒုံးယိမ်း အကနှင့် တေးသံသာများက ကျွန်တော့်၏ အိမ်အပြန် ခရီးလမ်းဝယ်
နားထဲတွင်စွဲထင်ကာ ကြားယောင်မြင် ယောင်နေမိပေတော့သည်။

    သာဥာဏ်(ရန်ကင်း)

Source: Flower News Category: Most Popular Articles Action:  Printable Version  |  Mail This  |    Add favorite

 

Local news
World & Asia
Entertainment
Life Style

About Yangon Media · Contact Us • Privacy · Advertisement with us · Help · Site Map
Copyright © Yangon Media 2007

yangonmedia.com

 Total Hit